អំពីខ្ញុំ

េឈ្មាះពិតប្រាកដរបស់ខ្ញុំស្មើនឹងភាសាអង់គ្លេសថា​”IDEA” ដោយឡែក Nature ជាឈ្មោះហៅក្រៅរបស់ខ្ញុំ ដែលដាក់ និងហៅដោយខ្លួនឯង ប្រកបដោយការពេញចិត្តបំផុត ជាមួយនឹងបុគ្គលិកលក្ខណៈចូលចិត្តភាពស្ងៀមស្ងាត់ មិនសូវចេះនិយាយលេងច្រើន តែមិនឆ្មើងឆ្មៃ និងចូលចិត្តការរាប់អានចំពោះមនុស្សដែលមាននិស្ស័យទាំងអស់

វ័យកុមារភាពដ៏គួរអោយចងចាំ

។ ដូចទៅនឹងឈ្មោះហៅក្រៅនោះ ធម្មជាតិជាចំណូលចិត្តរបស់ខ្ញុំ មានដូចជា​សត្វ បរិស្ថាន និងអ្វីផ្សេងៗទៀតដែលកើតឡើងពីធម្មជាតិ។ ហើយភូមិព្រៃខ្មែរ នៃទឹកដីរិទ្ធិសែន នាងកង្រីជាទីផ្តល់កំណើត និងចម្រើនវ័យរបស់ខ្ញុំ បន្ទាប់ពីវ័យកុមារភាពដ៏សែនរីករាយ បានអូសជើងកន្លងផុតទៅគួរអោយសោកស្តាយ។អំពីគ្រួសារ ខ្ញុំបានចាប់កំណើតក្នុងត្រកូលមួយផ្តើមឡើងជាមួយនឹងភាពគួរអោយមោទនៈ ប៉ុន្តែក្រោយមកបានផ្លាស់ប្តូរស្ទើរមិនគួរអោយជឿស្មើនឹងការរាប់ពីលេខសូន្យទៅវិញរហូតមកដល់បច្ចុប្បន្ន នៅតែរកជណ្តើរឡើងទៅកាន់ទីខ្ពស់មិនទាន់ឃើញនៅឡើយ។ និយាយអំពីវ័យវិញ គិតមកដល់បច្ចុប្បន្ន វ័យរបស់ខ្ញុំបានឈានមកដល់គម្រប់30ឆ្នាំគត់​ ល្មមនឹងអាចអោយអ្នកទាំងអស់គ្នាផ្តល់ឋានៈជា បង ប្អូន ឬមិត្តភក្តិ ក៏បានតាមការវាយតម្លៃជាក់ស្តែង។ មកដល់នាទីនេះ មានន័យគ្រប់គ្រាន់ថា ភូមិវើតប្រេស ត្រូវបានបន្ថែមវត្តមានណេតឆ័ររបស់ខ្ញុំម្នាក់ទៀតហើយ។សង្ឃឹមថាអ្នកទាំងអស់គ្នាជាសិស្សច្បងនៅទីនេះ​នឹងមានគំនិតបើកទូលាយចំពោះវត្តមានសមាជិកថ្មីម្នាក់នេះ…។